15 мамырда Катонқарағай  мәдениет  үйінде  «Рухани  жаңғыру, туған  жерге тағзым»  бағдарламасы  аясында  ауылдық  кітапхана,  С.Ластаев орта  мектебінің  кітапханашылары, ауылдық  мәдениет  үйінің  қызметкерлерінің  мұрындық  болуымен жерлес  жазушы, журналистер  және жазушылар одағының  мүшесі, публицист, ақын  Ж.Қызырдың   70 жылдық мерейтойына  орай  «Киелі  өлең  иесі...»  атты  әдеби – сазды  кеш  ұйымдастырылды. Кешке ұстаздар, оқушылар, ауыл тұрғандары,  ағамыздың жора – жолдастары  барлық  жыр  сүйер  қауым  шақырылды. 

Бұл  күні  ақынның шығармашылығына  қызығушылық  танытқан  көрермен  қарасы  көп болды.Шақырылған  қонақтар  арасынынан  округ  әкімі  Макишев Б, С.Ластаев  атындығы  мектеп  директоры Тулегенова Г, зейнеткер-ұстаз  Сахариева  Н.М ақынға  арналған  өздерінің  жүрек  жарды  тілектерін  жеткізді.  Келесі  кезекте С.Ластаев мектебінің  оқушылары Ринатқызы Ж, Әлімханова С ., Уалханова  М. және  тағы  басқалар  ақынның  әр  түрлі  тақырыпта, әр  жылдары  жазылған өлеңдерін  жатқа  оқыды.  Ақынның   бірнеше  өлеңдеріне  әндер  жазылған  болатын, осы әндерін   Мұқашев С,  «Қазыналы  Катонқарағай»  ансамбілі  нақшына  келтіре  орындады. Республикалық  Мұқағали  оқуларының  бас  жүлдегері  Рақышев Рүстем өзінің  сиясы  кеппеген «Қарт  Алтайдың қасқалдағы»  атты өлеңін мерейтой иесіне арнады.  Интернет желісі арқылы бейнебайланыстан әріптестері Қ. Назырбаев, Ә.Қаңтарбаев, Р.Балтабаева  ақын  ағамыздың  шығармашылығы  жайында  өз ойларымен  бөлісті. Әдеби кеш аясында «Ауылдан ескен бір  самал»  атты   кітап көрмесі,     «Кіндігі елге, табаны  жерге байланған» атты слайд презентация   көрермен  назарына  ұсынылды.Өткізілген мәдени шара жас  ұрпақ үшін  берері мол, мағыналы    болды.